Bildbeschriftung
Gedruckte Beschriftung der Vorderseite:
Da | fallischa | nieder-| trachticha
Wucher | Schwindel | Neid | Hass | Habsucht | Lüge | Zwietracht | Streit
Wie schü wars doch in alter Zeit, su redn itza alla Leit,
Do i hatt mr noch was racht's n Mogn, es Volk dos hot sich aa vertrogn,
Doch itza, 'sis a wahra Schand, is alles auser Rand on Band
On ah dan ganzn Uhgelück is schuld da Politik.
Drem namm mr doch liewer en Strick, fei lang on aa fei dick
On hangisa in dr Fei rist nei die falischa Politik, di hot ons ben Genick,
Di niedertrachticha, waggeschmissina, fallischa Politik.
Dr Lehrgong will üwern Maaster sei, dr Tochdieb macht es meista | Geschrei,
Mr find nirgnst meh Zefriedenheit, när Wucher, Schwindl, Haß on Neid.
Es Gald dos is en Volk sei Gott, wos racht is, werd verlacht, verspott,
Dr Tanzbudn is en Volk sei Kirch, is dos a domms Gewirch.
Kehrreim: Drem namm mr doch liewer en Strick u. s. w.
Sist gob's abn Heidn, Jud on Christ, itza Bürgerlicha on Sozialist,
's haaßt Spartakist on Bolschewik on Kommunist, nu du Uhgelück!
Dr aana is rut, dr andera grü, a bar zerrn har, die andern hier,
Doch deß mir alla Menschn sei, dos fellt kan Menschn ei.
Kehrreim: Drem namm mr doch liewer en Strick u. s. w.
Gedruckte Beschriftung der Rückseite:
Sist wor da Arwit huch geehrt, doch itza is gerod verkehrt.
Das wos en meistn schimpft en schrit, dan ehrn on achtn alla Leit,
's red jeder üwer Honger on Nut, doch wenn mr's racht betrachtn tut,
Su a Wuhllust on Mahschlachtichkeit, die gob's ze kaaner Zeit.
Kehrreim: Drem namm mr doch liewer en Strick u. s. w.
Wos wern denn onnera Altn sogn, die tetn da Händ üwern Kopp | z'sammschlogn,
Wos is aus ihra Kinner worn, die habn doch alla en Verstand verlorn.
Es gitt kaa Zucht, kaa Sittlichkeit, ajeder red gelehrt, gescheid.
Da Köpp sei voll on's Harz is leer, dos is abn onner Malär.
Kehrreim: Drem namm mr doch liewer en Strick u. s. w.
Dr Stieflknacht werd kaa Ufnbank, dr Ziech wechst aa dr Schwanz net lang,
A Ochs dos werd en Labn kaa Kuh, aus Gros do werd kaa Haferstruh.
Drem loßt die ganza Streiterei, wenn mir warn alla aanich sei,
Gemütlich on racht, wie da Altn warn, su warn mir en besten fahrn.
Kehrreim: Drem namm mr doch liewer en Strick u. s. w.
Normincipit
Wie schü wars doch in alter Zeit
Serie
Lieder in erzgeb. Mundart
Nr. 68
Verknüpfte Schlagwörter
AAT
Iconclass
Bildbeschreibung
Vollständiger Notenabdruck des Liedes "Wie schü wars doch in alter Zeit" von Anton Günther mit drei Textstrophen.
Sammlungskategorie
2.1.3 Anton Günther
()
![[LEER]](https://bildpostkarten.uni-osnabrueck.de/frontend/media/bildpostkarten/images/4/5/8/6080_ca_object_representations_media_45872_medium.jpg)
