(Mel.: "Da biesa Lieb".)
's hot su gedwediger Stand sei Manier:
Der Doktor, dr Pastr, dr Schneidr un Balwier.
Ben Schulmastrn siehst da drim a an Getu
Ihr wink Professiu.
Se namma sich garn vur dr Arwet in acht:
A Halbgahr ze wenigst werd Feirohmd gemacht;
Se halten siech a noch amol su gescheit
Als wie annera Leit.
Nu will ich na obr nischt wättr nochsong
Sist hetzn se mir gar'n Schandarm noch an Krong,
Ich mach nu amol garn de Leit a wink schlacht.
(Un ho ich net racht?)
s' hot odr a, dass ichs när orndlich eich sog,
A gedwedigs Handwark sen Gammer un sei Plog,
Su is a dr Schulmastr, ich sog eich ka Lieg,
A geplogts Stickl Viech.
A manniga Mad un a mannigr Gung,
Die damisch sei un umdraufnauf ungezung,
Die sell nu dr Lärer ze Menschn drzieh,
Un a liebreich sell 's gieh.
Ar hot schu an Schtack'n, mecht obr net ha,
Denn drischt'r an Gung, kimmt dr Ma un da Fra,
Ich sog se's fei, doss Se men Gung nimmer schlong,
Sist tu 'ch Se verklong.
Su hot'r viel Ärgr bei all sener Plog,
Oft wärsch eich ka Wunnr, es tröf'n dr Schlog.
A Gall kriegt dar eich fei gewiess a su gruss
Wie a Ardäppelkluss.
Se warn eich mei Tog net af Rusn gebett'.
Schpackschwartn asetzn, dos kunntn se net.
A mannigr war eich, wess Gott, e su dörr
Wie e gebackene Börr.
War su aner tut nochr, un wur'r getrong
Vun Engln in'n Himmel, tot dr Peterus song:
Was brängt'r dä do fer a därrsch wink Schkelett?
Zrbracht mersch fei net!
Un wur'r verschtußn in dr Hell gar an End,
Sogt dr Teifl: dar werd net als Feiring verschwendt,
Dar ist prassldörr wie a bichener Spah,
Mit dan feirn mer a!
Weitere Nummern dieser Art folgen!
urn:nbn:de:gbv:700-2-0007764-5
http://nbn-resolving.org/urn:nbn:de:gbv:700-2-0007764-5
Alle hier gezeigten Bilder dienen
ausschließlich der pädagogischen und wissenschaftlichen
Nutzung gem. § 86 StGB. Sie stellen
keine Meinungsäußerung der Mitarbeiterinnen
und Mitarbeiter des Archivs dar.
Sollten die Bilder trotz sorgfältiger
Recherche Rechte Dritter verletzen,
bitten wir um einen Hinweis:
E-Mail: bildpost@uos.de