Zum ehzte Mol op Urlaub eß
D'r Schäbens Krestian.
Am Stammdesch höht mer jetz gespannt
Sing Kregsstrapazzen ahn.
„Ich sagen üch“ - su säht d'r Kreß.
„Wer dat nit met erlääv.
Dä weiß nit, wie beim ehzte Knall,
Et Häzz em Liev dann bääv!
D'r Franzmann, dä schühs ‚mit Aväck‘.
Et knallt en einer Tour!
Och manchmol schühs hä öm en Eck
‚D'r ganzen Dag tuschur‘.“ - - -
Wie su d'r Kreß am sprechen eß
Merk jeder Stammgaß glich.
Dat zweschendurch - un dann nit schläch -
D'r Kreß Französisch sprich.
Dröm säht jetz einer - „Zackerlot,
Mer eß jo öhndlich paff,
Sag, Kreß, - die fremde Brocke gonn
Dir jo wie ga nix aff.“
„Du lever Gott - wast soll dat dann“,
Säht hä, met ähnzer Mien.
„Dat liert mer schnell - ich ben doch schon
Aach Mont en Sank Kwäntin!“
urn:nbn:de:gbv:700-2-0011646-7
http://nbn-resolving.org/urn:nbn:de:gbv:700-2-0011646-7
Alle hier gezeigten Bilder dienen
ausschließlich der pädagogischen und wissenschaftlichen
Nutzung gem. § 86 StGB. Sie stellen
keine Meinungsäußerung der Mitarbeiterinnen
und Mitarbeiter des Archivs dar.
Sollten die Bilder trotz sorgfältiger
Recherche Rechte Dritter verletzen,
bitten wir um einen Hinweis:
E-Mail: bildpost@uos.de